-سيجارة؟
-انت عارفة.....مبدخنش
-ليه؟
-ليه!!انت الي بتدخني ليه؟
-انا سألتك الأول
-عادي..مبحبهاش
-طيب
-جاوبي!
-بتريح أعصابي...عادي بحبها
-هتقصر عمرك
-ما يقصر!...وايه المشكلة؟
-!!!!!طيب!
-انتي مش بردانة؟
-لأ..بردانة أوي
-ولابسة خفيف ليه؟...هتعيي!
-عادي..بحب أعيا
-نعم؟!
-على فكرة انا هموت قبلك
-ايه دة؟ليه بتقولي كدة؟
-أنا عارفة...أنا هموت صغيرة
-طيب بس بقى......
-بتخاف من الموت؟؟
-أكيد!
-انا بحبه!
-انت مجنونة
-عارفة....
-كويس انك عارفة!
-تعرف...ساعات بحلم اني اموت..
-طب ممكن تخرسي بقى؟!!!
وهاتي سيجارة
-ما أنا.. قلت من الأول..
هناك 11 تعليقًا:
علي فكرة
انا برضه بحب السجاير
والموت
ولبس الخفيف فى الشتا
وعارف
انى هموت صغي
ر
حلوة الحاله دى
ايدك على سيجارة بقا
جميلة جدا الفكرة
خلاص انا اتعودت اول ما ادخل المدونة
اعمل حسابي اني حاشحن حزن
وسرحان
واشم ريحة مطر
وسجاير
وموت
لك تحيتي
الامطار السوداء مازالت تسقط بغزارة
اتمنى ان تتوقف وتنقشع تلك السحابة الملعونة فللدنيا اوجه اجرى سيأتي يوما تندمى انك اضعتى ساعات كثير لم تنظري اليها
تحياتي
دايما ليكي مود خاص لوحدك عن باقي المدونات
حاجة كده ملهاش دعوة باي حاجة حواليكي في نوع من انواع التفرد
تحياتي
ان كمان بحب السجائر جدا.. حتى وانا بكتب التعليق ده فى بدخن سيجارتين مع بعض
لكن مش بحب المرض
لكنى احب الموت.. واعلم انى ساموت صغيرا لكن ليس الآن.. بالطبع كله باذن الله
وبحب لبس الخفيف ف الشتا وساعات بحب احساس الدفا
لكنى دايما بحب الجو البارد والشتاء.. واكره الحر والصيف
بوست هايل كعادتك..وخلتينا نتكلم عن نفسنا
هتجنينى قريب اوى يا سمكه....يارب تفهمى
عزيزتى سمكة:
كنت طلبتى انى اعلمك ازاى تضعى لينكات بس انا اسف ما كنش عندى وقت انة اكتب بس ادينى هكتبلك
اوك
بصى هتدخلى ع الداش بورد..
وبعدين تخاترى "لاى اوت" عارفاها..
وبعدين هيظهرلك مربع كبير اختارى كلمة " لينك "اللى هتبقى موجودة.. هتدخلى جوة تضيفى اسم الموقع
http://bela-esm.blogspot.com/
مثلا مثلا انت طبعا براحتك
وبعدين تكتبى تحت الاسم بالعربى
السيد شبل..بلا إسم
مثلا مثلا
وبكده هيكون ليا لينك عندك
مثلا مثلا
سعيد قوي بمعرفتك ياسمكه
هو تمرد من الذات على الذات اذن..
هي حالة اللاشيء ، او كل شيء يساوي او لا يساوي شيء..
واذا كانت المحصلة واحده فالأفضل الا تعبء بشيء....
جميل الفكرة والمضمون..
دمت بكل ود..
خالص تحياتي
إي خدلك سـيجارة وإعود تنتفاهم ...
من أغنية المسـلسـل الفكاهي "حارة كل مين إيدو إلو"
للفنان دريد لحام
عال موتي صغيرة بس ما تموتي بكّير
تحياتي
مع قذارة الدنيا حب الموت ما بقاش عرض مرضي زي الأول!
..
افتكرت الأبيات دي لمّا قريت البوست..
يا صديقى .. خذ طريقى .. وانتحر !
- انتحر ؟ !
- راحة الراحات ، ترياق الألم ،
وخلاصات خلاصات الحكم !
الأبيات لنجيب سرور من قصيدة لزوم ما يلزم.
..
جميل البوست..بالتوفيق
جميله
ولوانى بعد ماقراتها تغلينى شعور معقد هو خليط من الضحك على البكاء على الغبه فى سيجارة - مع انى مبدخنش - بس الاسلوب جميل .
إرسال تعليق