السبت، 28 يونيو 2008

من يقوى؟؟


من يحمل السكين لا يتركها أبدا....
وإن سقطت منه مرة..
فإنه يخاف من منظرها ملقاة على الأرض..
وحده الخوف يستطيع أن يحركه....
فيعود ليلتقطها..
لكن يبقى إحساسه بالسكين ليس كسابق عهده...
حتى تمل السكين من تعرق يده...
فتتملص منها..
هكذا أنا...
من يحمل يدي لا يتركها أبدا...
وأن سقطت منه يوما...
يخاف منظرها الوحيد..
فيعود ليلتقطها...
لكن إحساسه بها يبقى مختلف..
حتى أمل من تعرق يده...
لأتركها...
ربما السكين تعود...لكن أنا...لا أفعل

الخميس، 26 يونيو 2008

أنا بفكر...!؟

خلصت إمتحانات....سافرت...الحاجات بتحصل بسرعة والأيام بتمر...عاملين ايه؟؟ وحشتني المدونة...طبعا قريت كل التعليقات القديمة بس مش عارفة أرد...أنتو فاهمين يعني..بحاول أثبت إني لسة بفكر ولسة بكتب....يارب تكونو مستمتعين بالأجازة والي لسة بيمتحن ربنا يوفقوا.
الساعة 5:35 بعد الفجر...
هو ايه الي حصل بالزبط؟..........مش فاكرة ......لكن فاكرة كل حاجة.......هي حاجة تتنسي؟!
هو الكلام دة كلو حصل امتى؟ كانت 10 يمكن؟؟!
اه كانت 10...وكان الاحساس المطلوب...نفس الاحساس المتوقع ونفس كل حاجة كانت فبالي بعيد عن التفاصيل الصغيرة الي كانت مختلفة كان كل حاجة مزبوطة....كنت فرحانة!
وبعدها؟!
محاولة لإخفاء الإطراب... جموع مفعم بالحيوية ....محاولة ناجحة.... لي قدرة فذة على التمثيل ...ربما ليس أمام الكاميرات.... لكن في حياتي العامة الأمر ناجح.... وفي كل لحظة سكون أو إسترخاء على كرسي أعيد تذكر التفاصيل من جديد.. لحظة بلحظة...
الساعة بقت 6 وانا لسة بفكر في الموضوع .... هو الموضوع يستحق التفكير...
موبايلي فين؟
"عفوا لقد نفذ رصيدكم"
ملل ..لو فكرت في الي حصل اكتر من كدة هيقلب هوس
أكتب الي حصل؟ لا لايمكن انا بتكلم فإيه؟!!!!
هقوم أغسل المواعين
بس أنا كنت فرحانة!!!