قليل من النبيذ الأحمر المر
واستسلمت
قطعة نقود معدنية بين يديك ...كنت
أردتني
واستسلمت
المزيد من النبيذ الأحمر المر
داعبت ذاكرتي وبكيت
أخرجت ما بجوفي
من شهوات وهفوات
قطرة أخرى من النبيذ الأحمر المر
سألتني أن أحبك
ابتسمت.......ضحكت
استيقظت
مع آخر كأس نبيذ
رفضت
هناك 10 تعليقات:
اعشق الكلمات القليله عندما تملك كلمات معاني كبيرة
الرغبة والسيطرة عليها بأي طريقة سواء سليمة او ملتويه تكشف عن مدي توجهات شخصيتنا لكن المرونة مطلوبة ومهمة وهذا ما ظهر بين غفوة عين ويقظة عقل
دائما متالقة
تحياتي ومودتى
سيد سعد
حلوة. عالية فنيا
حضطر أقول كلام كتير بقى عشان أنا مكسوف منك بدخل علطول بقول كلمتين وأجري وإنتي تدخلي عندي تكتبيلي ردود ردود يعني :)
(قليل من النبيذ الأحمر المر) طلعت منها بإن الخطيئة لو تجمّلت فهيا مُرة المذاق لاذعه
(واستسلمت..قطعة نقود معدنية بين يديك ...كنت) تقولشي شاعرة؟ الوزن هنا مزجني أوي ولا سيجارة روزمان أزرق. غير إن المعنى جميل تصوير المخطئة بقطعة النقود دلالة على الرخص. سطر ف الجون فعلا أهنؤكِ
(أردتني واستسلمت) أنا قلت هنا هو عاوزها لكن هيا مش عاوزاه؟
(المزيد من النبيذ الأحمر المر) الحتة دي ممكن حد مش فاهم يقولك دي زيادة. لأ دي ف الصميم تماما. أفادت مزيد شرب مش شِربة واحدة يعني
(داعبت ذاكرتي وبكيت أخرجت ما بجوفي من شهوات وهفوات)مممممممم اتكلمتي كتير هنا. المداعبة هنا مش ف الجون خالص. تقدري تقولي نبشتُ حتبقى أكتر انسجاما مع الجو العام لحالة البطلة عشان هيا بكت. أخرجت ما بجوفي دية جامدة على أساس إنها بتشرب زي واحد بيقول وهو بياكل أكلة وحشة تقيأت همي وغمي مثلا. لكن الجملة بالرغم من عيبيْها إللي هما داعبت والتطويل الأسلوبيّ زادت ف وصف حالة البطلة وده كويس. وعرفنا إن البطلة كانت عاوزه برضه الواد مش هو بس إللي عاوزها
(قطرة أخرى من النبيذ الأحمر المر) آآآه دخلنا ف التصوير السينيمائي بقى. مهم برضه الحتة دية وإن كانت تقليدية عشان متوقعة من قبل حتى القارىء العادي. أصل واحدة بتشرب حاجة مُرة يبقى أكيد كل قطرة حتحس بيها كزقوم ف زورها. كان الأبلغ تقولي مثلا: عانيت عانيت بحلقومي. يبقى خليتي القارىء يقول: آه دي هيا كده ف كل قطرة بتعاني. حاجة تدعو للتفكير يعني فالقارىء يعيش معاكي أكتر وأكتر
(سألتني أن أحبك ابتسمت.......ضحكت)حتة موفقة برضه وإن كانت تقليدية ما لازم الواد يكلمها فلإما تبتسم وتضحك لإما تتقلص وتعيط إيه الجديد يعني؟
(استيقظت. مع آخر كأس نبيذ. رفضت)
يا جامد إنت الوزن التائي ده مزجني تاني أوي. المعنى حلو أوي مع آخر كأس نبيذ البطلة قالت لا يا عم كفاياك بقى أنا ورايا مشوار هع هع. إحم قصدي رفضت الوضع يعني :)
مممممممممم التقييم النهائي للعمل بقى عشان نروح نشوف أكل عيشنا:
العمل اجتماعيا بيصوّر معاناة البت المخطئة يعني هيا عشان المجتمع بيرفض الخطيئة تقعد وهيا مع الواد تأنب نفسها بقى وكده. العمل فيه نظرة اجتماعية محافظة تدعو للسلوك الرشيد. جيد
نفسيا مؤلفة العمل معروف عنها التمرد وكده. العمل عرفتْ تعبر فيه جيدا عشان الجو النفسي بتاعها بيدور ف فلك الشعور بالذنب وكده
عنوان العمل ممممم مختصر. تقليدي. معبر. جيد
صورة رأس العمل تحفة فنية. أجدتِ الاختيار سماح :)
الأسلوب كويس فيه تصوير وكده مناسب للجو العام للعمل. اللغة المستخدمة سهلة سلسة المؤلفة لعبت شوية على الوزن الشعري عشان لفت الانتباه
الأخطاء اللغوية معدومة. تماموز يا ستي :)
العاطفة تم التعبير عنها بشكل جيد, لكن نقصها شوية شغل
الفكرة تقليدية
الخيال الوحيد بالعمل (استيقظت مع آخر كأس نبيذ رفضت) حلو
يبقى العمل جيد من وجهة نظري أو جيد جدا
تحياتي يا سماح :)
حلوة
جميلة بجد
دايما بترسمي معانيكي بوضوح
وبخيال
ورومانسية
النهاية كمان عالية قوي
حلوة أوي
لذيذة اوي بجد
باحييك علة البوست ده
البوست دا
م الاخر
شظية
وصباح الليل
النهايه رائعه جدا جدا جدا
النهايه رائعه جدا جدا جدا
maksarat sayed saad
دائما ما تكون الكلمات القليلة هي الأكثر تعبيرا
تسعدني دائما تعليقاتك
أحمد منتصر:
ينفع تيجي تمتحن نقد بلاغي بدالي؟
والله كلامك مفيد اوي وضحكني اوي ومرسي اوي برضو
بس الواحد وهو بيكتب مش بيحط في بالو كل الاعتبارات دي
المهم كويس انها عجبتك
مرسي على المرور
مزمز:
مرسي :)
مصطفى السيد سمير:
دة والله بوست على القد خالص
مرسي اوي على التعليق
big code:
مرسي اوي:)
اسعدني مرورك
horas:
مساء الصبح
أخيرا خلصت بياتك الشتوي
بس برضو لسة بتجاملني
ابقى كرر الزيارة:)
wael:
وانا اشكر مرورك جدا جدا جدا
إرسال تعليق