مش كفاية كدة....انا زهقت من نفسي.....من كام ساعة خسرت شخص بعتبرو اغلى شيء في وجودي........بسبب نفسي
دخلت البلوج قريت الحاجات الي كتبتها من اول بوست...........ملقتش غير سؤال واحد في بالي...انا ايه الي بعملو دة؟!؟
من كام ساعة بس فوقت صحيت عرفت اني بخرف ..........برسم عالم وبعيش فيه...عنوانه اني امشي عكس الصح
اول مرة احس اني طفلة بمعنى الكلمة ...طفلة تايهة في عالم متعرفش حاجة فيه وغيرها بيقول عليها انها فاهمة كل حاجة
من كام ساعة بس انهرت ....ومت وحييت الف مرة في الثانية..اول مرة احس اني قلبي بيبدأ يقف..وعمري فحياتي ما انهرت كدة......بس ارتحت ....كان قلم جامد بس وجعوا بفايدة
من كام ساعة اقسمت اني هتغير......وانا على قسمي..........من كام ساعة بس عرفت معنى تمني الموت الي كان على بالي لو ادايقت ثواني
عرفت يعني ايه تروح لحد تحبه وتقوله انا مش سعيد....تشوف في عينيه او تحس في كلامو بمعنى العجز وانتا مش عارف انك بتجرحو
مش كفاية كدة؟؟؟انا بعمل ايه؟؟؟بخل اتزان نفسيتي بإيدي وارجع الوم عقلي......
بتصرف حسب خطط عالمي الحزين الوهمي.....وابرر تصرفاتي بأنها افكاري ومحدش فاهم.......انا بعمل ايه؟؟
مش كفاية؟؟؟؟؟؟؟؟؟؟؟؟؟؟؟؟
محدش عرفني الا لما قال انتي يا اما مريضة نفسيا ياأما مجنونة يا أما ركبك عفريت
شخص واحد استحملني بعذابي بقرفي بكلامي بجنوني .....شخص واحد شاف ان عالمي جميل وكل حاجة هتتصحح
شخص كان بيخليني استنى بكرة عشان يجي بعد بكرة عشان تمر الايام واشوفو واسعدو
شخص علمني ان الحب تعليم واخلاق الحب سلام وراحة
شخص واحد..................وفقدته
طيب مش كفاية اوي كدة يا نفسي؟؟؟؟؟؟
دي وقفة بعد قسمي اني مش هكون انا...
هفضل سمكة هفضل عندي 16 سنة
هفضل اقرا واكتب افكر وابتسم
هتعلم اصحى افوق مجرحش ومدايقش
يمكن احس بالشعور الي نفسي اعرفو
السلام الداخلي
يمكن
ارجع الي خسرتو
***تدوينة خاصة جدا ...اول مرة اكتب حاجة من قلبي
هناك 20 تعليقًا:
عمرك ماكنتى هتوصلى لرؤية صحيحة..او تعرفى تمسكى زمام امورك فعلا..غير لما تضيعي حبة
علشان ساعتها هتفرقى..وهتميزي
زى ماعملتى دلوقتى
انا موافقة على بعض من كلامك..
واللى مش موافقة عليه ان الوقفة تبقي بسبب فقدان الشخص ده..فقط
اكيد علاقتك بيه مكنتش مبنية على اكتئابك وبؤسك ومساعدته ليكي..
والا صدقيني هتبقي علاقة طرفية ومرضية
**
انا حسيت فعلا ان انتى بتتعمدى احيانا تسوأى الاوضاع..وحسيت برده ان انتى شايفة نفسك كبيرة رغم صغر سنك.. رغم ان قليلين فعلا اللى وصلو للنضوج ده حتى من الناس اللى سنها كبير..وعلى فكرة النضوج مش حاجة ملموسة فى كل نواحى الحياة..يعنى فى اوقات بنكون حكيمين فى تصرفاتنا..واوقات لا..والمسألة عمرها ماكانت مسألة سن
هى خبرات فقط
والميزة فى السن انه بيديلك خبرة..زى اللى انتى اتعلمتيه دلوقتى..واللى خلاكى تحاولى تعملى الوقفة دى
اهم حاجة بس ماتغرقيش اوى فى احساسك بالنضوج علشان هيقلب بغرور..وساعتها ممكن تعملى تصرفات وحشة جدا من غير ماتحسي اد ايه هى سيئة..
وبرده ماتقلليش من قدراتك وادراكك وتقولي انك طفلة..لان اكيد ليكي اوقات زى اى حد فينا..اوقات فوق اوى..واوقات تحت اوى
والفوق مش بسبب حكمة..واللى تحت مش بسبب طيش..الاتنين ببساطة موجة فى الحياة..بتتعلمى منها
خليكي فى مرحلة وسطية بينهم
وكمان خلى احساسك فى نفس المرحلة الوسطية..ولا حزن اوى ولا تهييس
**
كمان بجد نصحية منى..حاولى تكونى
fair
فى حكمك مع نفسك..
وفى انفعالاتك
وفى علاقتك بأى حد..ماتحمليهوش فوق طاقته
وكمان فى قساوتك على نفسك
علشان ماتستنزفيش كل طاقاتك فى حزن..او فى عقاب..او فى محاولة استرجاع..او محاولة ارضاء..وتضيعي على نفسك فرص اكبر للاحساس بالحياة..وانا اقصد هنا الاحساس مش شرط يكون احساس سعيد او حزين
سيبي الوقت ياخد راحته..علشان كتير فى بعض الامور بتتضح بمجرد مرور الوقت
**
كمان حاولى كل فترة ترجعى للى انتى كتبتيه وشوفى التطور بتاعك..واللى انكسر بيتصلح..مافيش حاجة بتضيع
:)
take care
ابنتى سبق ان ذكرت لكى فى تعليق سابق
أنكى بين أثنين ذكاء وموهبة
وأحساس مرهف من جانب ومن الجانب الاخر
نمو نفسى وجسمانى ليس لكى علية سيطرة
وقلت لكى أن نوازن بينهم بالعقل وليس
بالمشاعر, وأن كان تقلب المشاعر والوقع
الشديد للصدمات التى تمر بنا أول مرة
يكون شديد الاثر
لكن هذا جزء من منظومة التدريب عن ما سوف تجدية مستقبلا
أنا معكى
الصبر والفهم
سوف يكون لكى مرفاء الامان
حفظكى اللة تعالى يا ابنتى
تحياتى
محمد
فقدان شخص عزيز؟ متهيألي إنتي بالغتي ف الوصف غالبا بيكون مش فقدان بيكون بُعد
بُعد لفترة كده وتعدي
عموما أبوس إيديكي كبري الخط شوية أنا نظري مضعفش ف الثانوية العامة متخلهوش يضعف على إيديكي :)
مش عارف اعلق ازاي على كلام خاص قوي كدة
بس الحقيقة
اتمنى من كل قلبي الوقفة دي ماتكونش متأخرة
واتمنى اكتر تاخدك للاتجاه الصح
مش حابب اصدع دماغك بنصايح ملهاش لازمة
الفضفضة حلوة
بس لو هتاخدي قرار مصيري فكري كتير جدا
بملل يعني
شوفتي
اديني بردو عملت فيها دور الناصح الحكيم ، بحكم خبرتي
مقدرش اقولك غير اشربي قهوة كتير
وبلاش العجز البدري ده
سماح فؤاد
صباح الخير
دية اول مرة ابتدي تعليقي عندك واخاطبك بأسمك كنت دايما بخاطبك بسمكه
وسبب ان اخاطبك باسمك المرة دية علشان كلامك اكدلي انك فعلا نويتي تتخلي عن الاحزان والسير عكس الاتجاه اللي يعتبروا اكبر من سنك بكتير ودة كان اللي هيكون السبب فى تشويه حياتك من غير ما تقصدي
الحياه يا سماح في كل حاجة مفهاش الوحش بس اقرأي بوست الحياه عندي هيفيدك في وجهات نظر انا متأكد انها هتقوى قرارك
احلي بوست قريته ليك من اول ما عرفت مدونتك لأنه كله تفائل وسعادة جملية ان شاءالله نقدر نشوف كتابات تانية جاية تكون حلوة لأن فعلا انتى موهوبة ومتهيألي دلوقتى انتى بقى عندك الحافز الحلو اللي يخلينا نشوف موهبتك بجد
اتمنى لك التوفيق والتقدم
تحياتي ومودتى
صاحب المكسرات
أنا من أول ما قريت وانا ساكت ..و لما جيت أعلق سكت..مش عارف أقول ايه؟
في بعض الأحيان بنحتاج حد أكبر مننا يقول رأيه في قراراتنا أو حياتنا..و أنا من سنك مقدرش أقولك حاجة لإني فعلا مش عارف..بس معتقدش إنك محتاج حد يقولك حاجة بعد الخمس ست سطور الأخيرة اللي كتبتيهم..المهم تنفذيهم فعلا و مترجعيش للأول تاني..ربنا معانا جميعا.
السلام عليكم
قريت الموضوع وقريت الردود
عجبنى رد سمر الاولانى قوى قوى وقال كتير من اللى عايز اقوله
والردود كلها جميله
بس انا مش هطبطب على فكره
ولا هقول الغنوه اللى بقيتى تحبى تسمعيها ..انتى ناضجه وأكبر من سنك
وجه واضح فى اللبانه اللى بتردد يها دايما انط طفله ال 16
بصى انا هصدمك جايز
بس فعلا انا اعرف واحده فى ال 13 واكبر بكتير من التفكير اللى شايف ده والسطور اللى شايفها دى
بصى المعاناه والأم والخبرات والوحده وساعات بعض الغربه عن الجتمع موالتفرد بيخلوا الواحد يحسوزا انه غير
احساس الغيريه ده لو نمناه هنبقى أمساخ مشوهه موصومه بالخبل والمرض النفسى ونعيش لوحدنا ونبعد عن المجتمع
انصهرى فى المجتمع واتمتعى بكونك واحده منهم
بلاش تبعدى وتنمى الغيريه دى
انتى مش غير ..بس انتى عايزه تحسى بالتفرد
بالتمر
صرخه انكى مش زيى اى حد
انك متميزه انك موهوه
انك كبيره ... ناضجه أكبر من سنك
انتى اصغر بكتير
عارفه ليه لأنك خدتى طريق كبير واتحشرتى فى متاهه ومش عارفه تخرجى منها
وقت كبير ضاع منك فيها ووقت تانى هيضيع منك على ما تخرجى منها
مش سهله كده اتصدمت فى واحد
وخسرته ..يبقى أقسمت وهتوب
قريت الكلام اللى كتبته ..قلت ايه الهبل ده وكنت عايشه ازاى وهتوب
مش شايفه انه كلام
فين مبدا التضحيه
عايزه تغيرى ..ابدا بمسح ماضيكى المؤلم
وبطلى الإشاره ليه بفخر
قولى عليها أيام الجاهليه
وابداى من جديد
البوست اللى فات ده انا قريته ومارضيتشى ارد ساعتها لانى كنت مصدوم جدا جدا وخفت على مشاعرك فى الرد
ودوقتى لسه برده بيطالعنى بالصوره الغريبه اللى فى اوله دى
مش عارف انتى عايزه ايه
عايزه تتوبى
اتفضلى الباب مفتوح علطول
وربنا بيناديكى
بس من شروطك التوبه الاقلاع عن الذنب والندم على فعله
التغيير.. ومحيه اساسا م الوجود
اعيدى برمجه حياتك
ورسترى الأحزان من جديد
غيرى اهتماماتك وكتبك
وخلى الرغبه فى النضافه انتى وعلشان تقربى من ربنا اكتر
مش علشان فقدتى انسان
بتربطك بيه عهلاقه اسمها ... الحمايه أو اأحترام واكتشاف النور والخير فيكى
كونى نفسك لنفسك مش لحد تانى
انتى طيبه قوى بس اتخبطتى كتير فى الحياه
ربنا معاكى
تحياتى وسلامى
ومستنى بقه رفرشه لحياتك
ومنتجه لبوستاتك وأفكارك قبلها
وبالتالى مستنى جديدك
اتمنى صدقك فى القرار
على فكره البوست حلو قوى من القلب فعلا
summar
كلامك حلو اوي..وحقيقي اوي بس انا مكنتش واعية مكنتش متعمدة
عارفة انو مش وقت تبرير وانا مش محتاجة للتبرير
دي كانت وقفة عشان ارتاح شوية
mohamed
اتمنى حقا اني يمضي الوقت واجدني على بر الامان
اشكرك اهتمامك
أحمد منتصر
اتمنى انو يكون مجرد بعد
وحاضر هكبر الخط مع اني محبش الخط الكبير
مصطفى السيد سمير
اتمنى انا يرضو كدة
مرسي
أحمد سلامة
مدمنة قهوة لوحدي...
نصيحة حلوة اهو بريك شوية من الرغي
تحياتي
mksarat sayed saad
مرسي اوي على كلامك...مع اني محبش اسمي ومحبش حد يناديني بيه تقدر تقول عقدة
دة برضو احلى بوست عندي بس احب افكرك ان مش دايما الكتابة الحزينة بتبقى وحشة ساعات بنحتاجها
مرسي على التعليق
أحمد المصري
انا برضو بعد ما قريت الي كتبتو سكت لانو مش محتاج كلام تاني كل حاجة واضحة وصريحة
اتمنى اني احقق التغيير دة فعلا
مرسي على اهتمامك
s@gi l'ombre
انا عجبني رد سمر اوي برضو
انا العالم الي حواليا اقنعني بالنضوج...بس مش هقلك ان العالم اقنعني بالوحدة والحزن...يمكن تكون دي طباع شخصيتي او صفاتي صعب تتغير بس ممكن تتشكل
انا لما كتبت البوست محستش بالذنب عشان اكون صادقةحسيت بالألم يمكن حسيت بالتعب من نفسيتي...من الي حواليا
صحيح اني ممكن اكون لسة بفضل الوحدة..بفضل جو معين مود معين بس هستغلو صح
انا لما وقفت عند نفسي وقفت عشان حسيت اني بنزل خطوات لتحت بكئب حياتي اكتر محستش بغلط او ذنب حسيت بتدمير للأساس الي منو ممكن احسن او اذنب
مرسي على تعليقك
نورت المدونة
عشان الكلام من قلبك
دخل قلبى
انتى حد جميل اوى يا سمكة
استمرى
بصى يا سمكة...انتى فكرتينى بيا لما امسك ورقة و قلم و انا متضايقة اوى و اعد ابستف فى نفسى و فكرتينى باقرب صديقة ليا..انتوا الاتنيين قاسيين اوى على نفسكم...بصى يا سموكة..مش معنى ان فى ناس كتير مش مقتنعة باللى انتى بتعمليه تبقى انتى غلط..مش شرط خالص..اهم حاجة تكونى صادقة مع نفسك و تكونى مقتنعة بكل حاجة بتعمليها..اناو انتى لسا صغيريين..انا اكبر منك بسنة واحدة..احسن حاجة ان مادام حنغلط حنغلط يبقى لازم نتعلم من اخطائنا..اللى عدى لو ماينفعش تصلحيه اتعلمى منه و بعدين ارميه ولا ضهرك و خليك دايما مقتنعة ان مفيش حاجة ربنا بيعملها غير و فيها فايدة لينا حتى لو احنا مش فاهميين الفايدة دى فى الوقت الحالى..بعدين حتعرفى
عاوزة اقرالك كتير..بس عاوزة احس فى كلامك بابتسامة و حنية و هدوء عارفة انه جواكى.و حقولك الكلمة اللى دايما كنت بقولها لصاحبتى دى:حلو انك تحاسبى نفسك بس بردو لازم تحاسبى على نفسك
سـأعود مرة أخرى
كوني لا أملك غير هذا السـؤال:
إنتي يمكن إكتشـفت المياه السـاخنة!!!
إلى اللقاء.
بوست عامل زي الشخبطة
مش قصدي وحش .. لكن قصدي أنه مكتوب كما هو بدون تجميل أو زخرفة
و بيقولوا شخبطة الإنسان العفوية بتقول كتير عنه و عن مشاعره
كمان البوست ده بيقوا كتير عنك
و متهيألي كلنا شايفين أنه بيقول حاجات جميلة
صحيح إنسانة جميلة في لحظة إنكسار
بس أحنا مؤمنين أنك ها تقدري تقومي من تاني
---
حلو قوى انك تفوقى فى الوقت المناسب بس متقسيش على نفسك صححى وضعك وبس
ها أنا من جديد...
أولا كوني وعدت ثانيا كونه يجب علي أن أوضّح ما قلت.
كلنا نعيش في ما عبّرت عنه بقولك :
"عالمي الحزين الوهمي"
المشـكلة أننا نصحو من حين لآخر مذهولين لإكتشـاف حقيقتنا هذه.
أقصى ما يمكن أن يصيبنا هو خسـارة من نحب.
الغريب هو أن من نحب عادة لا يشـمل "نفسـنا" لذا يتعاظم شـعورنا بالوحدة حين يغيب أحدهم.
أما ما أردت أن أعبّر عنه حين تحدّثت عن المياه السـاخنة هو كونك تحدّثت عن شـعورك الجديد بالضياع ؟؟ أليسـت تلك هي حالنا جميعا.
بأي حال أرجو لك (ولنا)أن يصـدق قولك :
هفضل سمكة هفضل عندي 16 سنة
هفضل اقرا واكتب افكر وابتسم
هتعلم اصحى افوق مجرحش ومدايقش
يمكن احس بالشعور الي نفسي اعرفو
السلام الداخلي
تحياتي
هو ستاشر سنة طفلة ؟؟
طبعا لا
:) لو عاوزة تعيشي سنك .. ما تصغريش نفسك
انتي اكبر كتير اوي مما تتخيلي
انا مقريتش التعليقات و مقريتش ردك عليها
لكن انا بقوللك بجد
لو انتي حطيتي نفسك في قالب اسمه سني و عمري ..
يبقى عمرك ما هتعملي حاجة
اه ممكن تحتاجي تعدلي في وجهتك .. و هنا تقولي انك اه لسه صغيره .. و قدامك عمر طوييل .. ممكن تغيري طريقك كتير .. لحد لما تلاقي السلام الداخلي اللي انتي نفسك تحسيه
و اللي كلنا نفسنا نحسه
سلام
horas:
انا سبت عن اذنك....مرسي اوي
داسما منورني بس متأخر شوية
dina:
لناس بتتكرر والاحداث واحدة كويس اني لقيت حد زيي....فعلا الجميل اننا نتعلم اتمنى انك تزوريني دايما
نورتيني
على باب الله:
فعلا شخبطة لحظة انكسار......بس شخبطة مريحة اوي
مرسي على مرورك
appy:
متعلمتش اقسى لا على نفسي ولا على غيري تنت بس حبيت اقول الحقيقة من غير تكلف او تلون و لقيت ان الحقيقة هي القاسية عليا
مرسسسي اوي على مرورك
طاهر خشاب:
شكرا لعودتك...من الغريب اننا نعود لنتبلور حول ذلك العالم مجددا
ربما كان انتمائنا له اكبر من واقعنا
حققت الكثير
وانتظر السلام الداخلي
abdelrahaman ayyash:
لم اقل اني طفلة ولم اقل اني في قمة النضوج اني مجرد انا بحالتي العمرية والفكرية...لن احكم نفسي في حلقة بسبب عمري
بل سأحكم نفسي بكوني انا
اسعدني مرورك
إرسال تعليق